David Mutiloa. Love letters. 2021ko arte plastiko eta Ikusizkoen laguntzak. Martxoak 15 – maiatzak 1

---

Oteiza Museoak LOVE LETTERS argitalpen proiektua hartu eta erakutsiko du. David Mutiloa artistak egindako argitalpen bat da, eta 1.280 orrialdetan zehar haren azken poemen aukeraketa bat biltzen du.

SPAM erako mezu elektronikoetako milaka testuz jabetu ondoren, artistak azken urteotan zehar jaso eta bildu baititu, eta umorea eta ironia erabiliz lengoaiatzat, Mutiloak, ikuspegi kritiko batez, gogoeta egin nahi du gaur egungo bizimoduen gainean.

Klase ertaineko gizonaren fantasia eta frustrazio sexualetatiko halako ikuspegi bat jarririk aitzakia, poema-bildumak zenbait gai esploratu nahi ditu zeharka, hala nola isolamendua, bakardadea, depresioa, dezepzioa edo porrota, gaur egungo gizartea harturik kontuan.

 

 

“I Do Think I’m Quite Fuckable”, “Bored. Lonely. And Horny As Hell!”, “New Message from Alexa”, “Always Wanted to Be Fucked on the Kitchen Table” edo “Total Discretion: Perfect Dating” poemetako batzuen izenburuak dira.

Argitalpena artistak berak idatzi, diseinatu eta argitaratu du, eta ez dago salgai; ale guztiak doan banatu dira, balizko maitasun keinu batez.

Argitalpena posible egin duena Uharte Zentroak urtero Nafarroako Gobernuko Kultura Sailarekin batera ematen duen Arte plastikoen eta ikusizkoen diru-laguntzen programa izan da.

Oteiza Museoaren eta Uharte Zentroaren arteko lankidetzaren fruitu, laguntza horiek jasotzen dituzten proiektuak entitate horien egoitzetan erakusten dira. Hala, Uharte Zentroak, bigarren solairuan, Gabriel Coca, Miren Doiz, Mendia Etxeberria, Hedoi Etxarte eta Itsaso J. Iribarrenen obrak ditu. Oteiza Museoak, berriz, Rafa Munarrizen lana erakusten du bere patioan.  Bestetik, David Mutiloaren argitalpena egoitza bietan dago.

Flyer 7 2021ko Arte plastiko eta ikuzizkoen laguntzak